Bakı. Trend:
Pakistanın Kəraçi şəhərində Çin konsulluğunun yaxınlığında atışma olub, əl qumbarası partladılıb.
Trend-in məlumatına görə, şahidlər silahlı hücumda ən azı 3 nəfərin iştirak etdiyini bildirib. Diplomatik missiyaya məxsus binanın mühafizəçiləri naməlum şəxslərlə atışıb.
Hadisə yerinə polis qüvvələri və xüsusi təyinatlılar göndərilib.
Geo TV-nin məlumatına əsasən, atışmada iki polis əməkdaşı ölüb, biri xəsarət alıb.