Bakı. Elnur Bağışov – Trend:
İranın İraqda Eynül-Əsəd hərbi bazasına atdığı raketlər ballistik “Fateh” raketləri olub.
Trend-in məlumatına görə, bu haqda İranın Fars informasiya agentliyi məlumat yayıb.
Agentlik bildirir ki, İraqın Eynül-Əsəd bazasına yaxın olduğuna görə, bu raketlər İranın qərbində yerləşən Kirmanşah vilayətindən (məsafə 430 kilometr) atılıb.
İstifadə olunan raketlər "Fateh-313" növündən olub və bu raketin radiusu 500 kilometrdir.
Sözügedən raketlərin çəkisi 3220 kq, uzunluğu 8,8 metr, qalınlığı isə 61 santimetrdir.
"Fateh" ballistik raketlərinin hədəfi dəqiq vurduğu bildirilir.