Bakı. Trend:
Qazaxıstanın Karaqanda vilayətində mədəndə metan qazının sızması baş verib.
Trend-in məlumatına görə, hadisə vilayətin Abay şəhərində baş verib.
İlkin məlumatlara görə, mədəndə 64 işçi olub. Qazaxıstan Fövqəladə Hallar Nazirliyinin nümayəndəsi Talqat Uali bildirib ki, hadisə nəticəsində 6 nəfər həlak olub, 2 nəfər yaralanıb (onların vəziyyəti dəqiqləşdirilir).
Qazaxıstan Respublikasının Baş naziri Askar Mamin tapşırığı ilə fövqəladə hallar naziri Yuri İlinin başçılıq etdiyi komissiya hadisə yerinə yola düşüb.