Bakı. Trend:
Ukrayna Prezidenti Vladimir Zelenski ölkənin Təhlükəsizlik Xidmətinin Xarkov vilayəti üzrə rəhbərini vəzifəsindən azad edib.
Trend "Ukrinform"a istinadla xəbər verir ki, bu barədə dövlət başçısı videomüraciətində bildirib.
"Gəldim və gördüm. Ukrayna Təhlükəsizlik Xidmətinin Xarkov vilayəti üzrə rəhbərini vəzifəsindən azad etdim. Müharibənin ilk günlərindən şəhəri qorumaq üçün işləmədiyinə, ancaq şəxsən özünün maraqlarına xidmət etdiyinə görə. Hüquq-mühafizə orqanları bunu hansl səbəbdən etdiyini araşdıracaq", - V.Zelenski bildirib.
O, qeyd edib ki, Ukrayna bütün ərazilərini azad edəcək və bunun üçün həm yerli, həm də dövlət səviyyəsində hər kəs çalışmalıdır.