Bakı. Trend:
Çinin Şanxay hakimiyyəti şəhərin cənub-qərbindəki Minhan rayonunun 2,7 milyon sakinini karantinə göndərəcək, onların hamısı şənbə günü COVID-19 üçün yoxlanılacaq.
Trend-in məlumatına görə, bu barədə "The Guardian" qəzeti yazıb.
"2,7 milyon əhalisi olan Şanxayın cənub-qərbindəki Minhan rayonu şənbə günü səhər "qapalı idarəetmə" altına alınacaq, bütün sakinlər test verəcəklər", - deyə bildirilib.
Məlumata əsasən, qəbul edilən bütün nümunələr müayinə olunduqdan sonra karantin başa çatacaq. Ancaq dəqiq tarixlər göstərilməyib.