Bakı. Trend:
Türkiyə Silahlı Qüvvələri Suriyanın şimalında davam etdirilən "Sülh bulağı" antiterror əməliyyatı bölgəsində 9 terrorçunu zərərsizləşdirib.
Trend-in məlumatına görə, bu barədə ölkənin Milli Müdafiə Nazirliyi bildirib.
Qeyd olunub ki, bölgədə hücum hazırlığında olan PKK mənsublarının qarşısı alınıb.
Suriyanın şimalında "Sülh bulağı", eləcə də "Fərat qalxanı" və "Zeytun budağı" əməliyyatları davam etdirilir.