Bakı. Trend:
Böyük Britaniyanın paytaxtı Londonda polis parlament binası yaxınlığında bıçaqla silahlanmış şəxsi saxlayıb.
Trend-in cümə günü verdiyi məlumata görə, bu barədə London polisinin açıqlamasında deyilir.
Qeyd olunur ki, özünü şübhəli şəkildə aparan şəxs elektroşok aləti tətbiq olunmaqla saxlanılıb. Polislər onun üzərindən bıçaq aşkar edib.
Həmin şəxsin fəaliyyəti nəticəsində xəsarət alanların olmadığı deyilir.