Bakı. Trend:
Rusiya prezidenti Vladimir Putin G20 ölkələrinin sammitində və Asiya-Sakit okean İqtisadi Əməkdaşlıq (APEC) təşkilatının sammitində iştirak etməyəcək.
Trend-in məlumatına görə, bunu bu gün Rusiya prezidentinin mətbuat katibi Dmitri Peskov jurnalistlərə açıqlamasında deyib.
O qeyd edib ki, V.Putinin həmin iclaslarda onlayn formatda da iştirakı nəzərdə tutulmur.
Xatırladaq ki, ötən həftə D.Peskov Rusiya prezidentinin G20 və APEC sammitlərində iştirakı məsələsinin Kremldə müzakirə olunduğunu elan etmişdi.
Qeyd edək ki, G20 sammiti noyabrın 15-16-da İndoneziyanın Bali adasında, APEC iclası noyabrın 18-19-da Tailandın paytaxtı Banqkokda keçiriləcək.