Bakı. Trend:
“Türk Hava Yolları” İstanbulda gözlənilən əlverişsiz hava şəraiti ilə əlaqədar ümumilikdə 170 reysin ləğv edildiyini açıqlayıb.
Trend-in xəbərinə görə, bu barədə şirkətin media ilə əlaqələr üzrə vitse-prezidenti Yəhya Üstün “Twitter“ səhifəsində bildirib.
Qeyd olunub ki, İstanbul hava limanından 152, Sabiha Gökçen hava limanından isə 18 reys ləğv edilib.
“Sərnişinlərə aviaşirkətin səhifəsində ən son uçuş məlumatlarını yoxlamaq təklif olunur”, – deyə Y.Üstün bildirib.