Bakı. Trend:
Böyük Britaniya kralı III Çarlz tacqoyma mərasimində Kral VI Qeorqun mantiyasını geyinəcək.
Trend-in məlumatına görə, bu barədə "Sky News" televiziya kanalı xəbər verib.
Mantiya sonuncu dəfə 1937-ci ildə VI Qeorqun tacqoyma mərasimində istifadə edilib. Mantiyanın təxminən 90 yaşı var.
O da qeyd edilir ki, kraliça yoldaşı və III Çarlzın həyat yoldaşı Kamilla 1953-cü ildə II Yelizavetanın tacqoyma mərasimi üçün tikilmiş 5,5 metr uzunluğunda mantiya geyəcək.
Böyük Britaniyanın yeni hökmdarının rəsmi tacqoyma mərasimi 6 may 2023-cü ildə keçiriləcək.