Bakı. Trend:
Türkiyənin energetika naziri Alparslan Bayraktar Ankarada Rusiyanın "Rosatom" dövlət korporasiyasının rəhbəri Aleksey Lixaçev ilə Türkiyədə "Akkuyu" atom elektrik stansiyası layihəsinin həyata keçirilməsi ilə bağlı məsələləri müzakirə edib.
Trend-in məlumatına görə, bu barədə nazir öz“Twitter” səhifəsində yazıb.
Görüşdə Türkiyənin enerji sistemində yeni nəsil stansiya kimi mühüm yer tutacaq Akkuyu AES layihəsinin hazırkı vəziyyəti qiymətləndirilib.
Qeyd edək ki, "Akkuyu" AES-in tikintisi 2010-cu il mayın 12-də Rusiya Federasiyası ilə Türkiyə arasında əməkdaşlıq haqqında imzalanmış hökumətlərarası saziş əsasında həyata keçirilir.