Bakı. Trend:
Gürcüstanda Şovi kurort zonasında baş vermiş torpaq uçqunu nəticəsində ölənlərin sayı 11-ə çatıb.
Trend xəbər verir ki, bu barədə səhiyyə naziri Zurab Azaraşvili bildirib.
O qeyd edib ki, 25 nəfərin axtarışları davam edir.
12:03
Bu gün səhər saatlarında Gürcüstanın qərbində Şovi kurort bölgəsində baş vermiş torpaq sürüşməsi nəticəsində həlak olan daha 2 nəfərin cəsədi tapılıb.
Trend xəbər verir ki, bu barədə Gürcüstanın Daxili İşlər Nazirliyindən məlumat verilib.
Bununla sürüşmə nəticəsində ölənlərin sayı 6 nəfərə çatıb. Belə ki, dünən Şovidə 2 nəfərin cəsədi aşkarlanmışdı.
Gürcüstan Daxili İşlər Nazirliyindən jurnalistlərə verilən məlumata görə, daha 31 nəfərin axtarışı davam etdirilir, xilasedicilər onlarla əlaqə qura bilməyib.
Qeyd edək ki, Şovidə avqustun 3-ü günorta saatlarında torpaq sürüşməsi baş verib. Hadisə zamanı körpülər üçüb və yollara ziyan dəyib. İndiyədək hadisə nəticəsində həlak olan 6 nəfərin cəsədi aşkarlanıb. 200-dən çox insan helikopterlə ərazidən təxliyə edilib.