Bakı. Trend:
ABŞ-ın Çikaqo şəhəri yaxınlığındakı elm adamları yeni təbiət qüvvəsinin mövcudluğunu kəşf etməyə yaxın ola biləcəklərini bildirirlər.
Trend-in məlumatına görə, əgər sübut olunarsa, kainatdakı bütün cisimlərin və hissəciklərin bir-biri ilə qarşılıqlı əlaqəsini təyin edən beşinci əsas qüvvə tapılacaq.
Tətqiqatçılar müon adlanan atomaltı hissəciklərin hazırki atomaltı nəzəriyyəsinin proqnozlaşdırdığı kimi davranmadığına dair yeni sübutlar tapıblar. Alimlər naməlum qüvvənin müonlara təsir edə biləcəyinə inanırlar.
Bu nəticələri təsdiqləmək üçün daha çox məlumat lazımdır, lakin təsdiqlənərsə, bu, fizikada inqilabın başlanğıcı ola bilər.