Bakı. Trend:
Türkiyədə tikilməkdə olan "Akkuyu" Atom Elektrik Stansiyasının ilk reaktorunun 2024-cü ildə işə salınması planlaşdırılır.
Trend-in məlumatına görə, bu barədə Türkiyə energetika naziri Alparslan Bayraktar deyib.
""Akkuyu" AES-in ilk reaktorunun bu il işə salınması planlaşdırılır", - deyə o bildirib.
Qeyd edək ki, "Akkuyu" AES Rusiya dövlət korporasiyası "Rosatom" tərəfindən tikilən Türkiyə Respublikasında ilk atom elektrik stansiyasıdır. Atom elektrik stansiyasının hər blokunun gücü 1200 MVt olacaq.