Bakı. Trend:
Yəmənin "Ənsar Allah" hərəkatından olan husilər Ərəb dənizində "MSC Sarah V" gəmisinə hücum etmək üçün ilk dəfə hipersəs raketindən istifadə ediblər.
Trend-in məlumatına görə, bu açıqlama ilə husilərin hərbi nümayəndəsi Yəhya Səriya çıxış edib.
"Yəmən silahlı qüvvələri Ərəb dənizində İsrailin "MSC Sarah V" gəmisini vuran raketin xüsusiyyətlərini ilk dəfə açıqlayıb. Bu, yerli istehsal olan, qabaqcıl texnologiyalarla təchiz edilmiş və hədəfləri maksimum dəqiqliklə vurmağa qadir olan hipersəs raketidir", - deyə Y.Səriya öz "Telegram" kanalında bildirib.