Bakı. Trend:
ABŞ silah və hərbi texnika alınması üçün İsrailə 3,5 milyard dollar ayırmaq niyyətindədir.
Trend bu barədə xarici KİV-lərə istinadən xəbər verir.
Məlumata görə, Dövlət Departamenti amerikalı qanunvericiləri Ağ ev administrasiyasının İsrailə milyardlarla dollarlıq xarici hərbi maliyyə vəsaiti ayırmaq niyyəti barədə xəbərdar edib.
Bu vəsait aprel ayında İsrail üçün ABŞ Konqresi tərəfindən qəbul edilmiş 14,1 milyard dollarlıq əlavə maliyyə layihəsi çərçivəsində ayrılır.