Bakı. Trend:
İtaliyanın Siciliya adası sahillərində, avqustun 19-da səhər tezdən lüks "Bayesian" yaxtası fırtına zamanı batıb, bir nəfər ölüb, xilasedicilər itkin düşən 6 nəfərin axtarışını aparırlar.
Trend-in məlumatına görə, itkin düşənlər arasında "Britaniyalı Bill Qeyts" kimi tanınan britaniyalı iş adamı Mayk Linç və onun 18 yaşlı qızı var.
"Bütün günü axtarışlar aparılıb, bunun üçün gəmilərdən, helikopterlərdən istifadə etdik və heç nə tapmadıq", - deyə Mülki Müdafiə Xidmətinin nümayəndəsi Françesko Venuto bildirib.
Onun fikrincə, dənizdə hələ də sağ qalanlar olsaydı, “biz yəqin ki, onları indiyə qədər tapardıq”.
Bildirilib ki, Portiçello yaşayış məntəqəsi yaxınlığında 56 metrlik yaxta batıb. Hadisə şahidlərinin sözlərinə görə, küləyin gəminin dirəyini sındırması nəticəsində gəmi dayanıqlığını itirib.