Bakı. Trend:
Birləşmiş Ştatlar Tayvanı dəstəkləməyə davam edəcək və müxtəlif sahələrdə yardımı artırmaq imkanına malikdir.
Trend xəbər verir ki, bu barədə ABŞ dövlət katibinin siyasi-hərbi məsələlər üzrə köməkçisi vəzifəsinə namizəd Kris Pratt mayın 15-də bildirib.
“Əgər təsdiq olunarsam, Tayvana necə daha çox kömək edə biləcəyimiz və dəstəyimizi artıra biləcəyimizlə bağlı hərtərəfli araşdırma aparacağam,” – deyə Pratt Senatın Xarici Əlaqələr Komitəsində keçirilən təsdiq dinləmələrində vurğulayıb. Onun çıxışının səs yazısı Senat orqanının saytında yerləşdirilib.
Pratt qeyd edib ki, Tayvan ABŞ-nin regionda ən mühüm tərəfdaşlarından biridir və eyni zamanda Çinin artan təhdidləri ilə üz-üzədir.