Bakı. Trend:
2026-cı ildə Böyük Britaniya hökuməti Avropadakı müttəfiqlərlə sıx əməkdaşlıq çərçivəsində yüksək dəqiqlikli silah sistemlərinin yaradılmasına 400 milyon funt sterlinq (təxminən 545 milyon ABŞ dolları) investisiya yatırmağı planlaşdırır.
Trend xəbər verir ki, bu barədə məlumat Böyük Britaniyanın Müdafiə Nazirliyinin rəsmi bəyanatında yer alıb.
Sənəddə qeyd olunur ki, London “Storm Shadow” raketlərini əvəz edəcək yeni nəsil silahların hazırlanmasına rəhbərlik edir və Fransa ilə İtaliya ilə birgə “Stratus” adlı raket layihəsini aktiv şəkildə irəlilədilir. Gələcək döyüş sursatlarının düşmənin strateji obyektlərini, o cümlədən hərbi gəmiləri və hava hücumundan müdafiə sistemlərini hədəfə alacağı bildirilir.
Nazirliyin açıqlamasına əsasən, Böyük Britaniya eyni zamanda Almaniya ilə tərəfdaşlıq çərçivəsində uzaq mənzilli silahların istehsalını nəzərdə tutan proqram üzərində də çalışır.
“Deep Precision Strike” adlandırılan sistemin 2 000 kilometrdən çox uçuş məsafəsinə malik olacağı, onun silahlı qüvvələrin istifadəsinə verilməsinin isə 2030-cu illərə təsadüf edəcəyi gözlənilir.