Bakı. Trend:
Hollivud aktyoru Şaya Labaf ABŞ-nin Yeni Orlean şəhərində barın qarşısında baş verən dava ilə əlaqədar həbs olunub.
Trend xəbər verir ki, Şaya Labaf Yeni Orleanda ciddi insidentdə iştirak edib və hadisə yerinə təcili yardım əməkdaşlarının çağırılması ilə nəticələnən davaya qoşulub.
Məhkəmə sənədlərində onun həbs edildiyi və iki dəfə yüngül bədən xəsarəti yetirməkdə ittiham olunduğu bildirilir.
Aktyorun müəssisənin işçi heyəti tərəfindən bardan çıxarıldığı, daha sonra küçədə dava düşdüyü qeyd olunur. Hadisə yerinə təcili yardım maşını cəlb edilib.