Bakı. Trend:
Hərbi-sənaye şirkəti “Lockheed Martin” beşinci nəsil “F-35” qırıcı təyyarəsinin hərbi süni intellekt (Sİ) ilə sınaqlarını həyata keçirib.
Trend bu barədə xarici KİV-ə istinadən xəbər verir.
Korporasiyanın açıqlamasına görə, ABŞ-nin Nevada ştatında keçirilən sınaq uçuşu zamanı “Lockheed Martin tərəfindən hazırlanmış və öyrədilmiş süni intellekt modeli radiasiya mənbələrinin identifikasiyasında mövcud qeyri-müəyyənliyi aradan qaldıraraq situasiya məlumatlılığını artırıb və pilotun qərar qəbul etmə prosesindəki gecikməni azaldıb”.
Qeyd olunur ki, bu, beşinci nəsil platformaya inteqrasiya edilmiş altıncı nəsil texnologiyalarının nümayişidir.