Bakı. Trend:
Səudiyyə Ərəbistanı və Küveyt ABŞ ordusuna hərbi bazalarından və hava məkanından istifadə etməyə bir daha icazə verib.
Trend-in məlumatına görə, bu barədə "The Wall Street Journal" qəzeti Amerika və Səudiyyə Ərəbistanı mənbələrinə istinadən xəbər verib.
"Səudiyyə Ərəbistanı və Küveyt ABŞ-nin Hörmüz boğazından gəmiçiliyin yenidən açılması əməliyyatına başlamasından sonra ABŞ ordusunun bazalarından və hava məkanından istifadəsinə qoyulan məhdudiyyətləri aradan qaldırıb", - deyə bildirilib.
Qeyd edilib ki, bu, ABŞ-nin "Azadlıq" əməliyyatının həyata keçirilməsinə mane olan maneəni aradan qaldırdı.
