Bakı. Trend:
Tayvan iki pilotun həlak olduğu qəzadan sonra T-34C təlim-tədris təyyarələrinin uçuşlarını qeyri-müəyyən müddətə dayandırıb.
Trend-in məlumatına görə, bu barədə adanın Hərbi Hava Qüvvələrinin idarə rəisi, general-mayor Tsyan İçenin deyib.
Onun sözlərinə görə, insidentin səbəbləri araşdırılanadək bu tip təyyarələrin istismarı tamamilə dayandırılıb.
"Bütün T-34C təyyarələrinin uçuşları dayandırılıb, pilotlar isə müvəqqəti olaraq təlimlər üçün simulyatorlardan istifadə edirlər", - deyə o bildirib.
Məlumata əsasən, ekipajın hər iki üzvü təcrübəli pilot olub və uçuş zamanı mürəkkəb təlim tapşırığını – mühərrik nasazlığının imitasiyasını yerinə yetiriblər. Qəza iyunun 2-də Kaohsiunq şəhəri yaxınlığındakı Qanşan aviabazası ərazisində baş verib.
