Bakı. Trend:
ABŞ ordusu İrana məxsus pilotsuz uçuş aparatlarının Küveytdəki ABŞ qüvvələrinə qarşı hücumunun qarşısını alıb.
Trend-i məlumatına görə, bu barədə ABŞ Silahlı Qüvvələrinin Mərkəzi Komandanlığı (CENTCOM) "X" sosial şəbəkəsində yazıb.
"ABŞ qüvvələrinə hücum etməyə cəhd göstərən İranın növbəti PUA dalğası hədəflərinə çata bilməyib. Mərkəzi Komandanlığın hava hücumundan müdafiə qüvvələri bir neçə pilotsuz uçuş aparatını uğurla məhv edib", - deyə bildirilib.
Məlumata görə, hadisə nəticəsində ABŞ hərbçiləri arasında xəsarət alan olmayıb.
