Ufada türkdilli xalqların V Beynəlxalq Teatr Festivalı keçiriləcək
Azərbaycan, Bakı, 5 iyul /Trend/
2012-ci ilin sentyabr ayının 6-dan 13-dək Başqırdıstanın Ufa şəhərində türkdilli xalqların "Tuğanlıq" V Beynəlxalq Teatr Festivalı keçiriləcək.
Trend Mədəniyyət və Turizm Nazirliyinin rəsmi saytına istinadən məlumat verir ki, Azərbaycanı festivalda Gəncə Dövlət Dram Teatrı təmsil edəcək.
Teatr Mirzə Fətəli Axundzadənin 200 illiyinə həsr olunmuş və Gəncə Dövlət Dram Teatrının cari repertuarında olan "Müsyo Jordan və Dərviş Məstəli şah" tamaşasını nümayiş etdirəcək.
