...

Azərbaycanda “Ümumdünya turizm günü” qeyd ediləcək

Mədəniyyət Materials 23 Sentyabr 2013 23:34 (UTC +04:00)
Ölkəmizdə turizmin iqtisadiyyatın prioritet sahəsi kimi inkişafında nəzərəçarpacaq nailiyyətlər əldə etdiyini və 2013-cü il "Ümumdünya turizm günü"nün qeyd olunması münasibətilə aidiyyəti dövlət qurumlarının, rayon (şəhər) mədəniyyət və turizm şöbələrinin, həmçinin turizm sənayesində fəaliyyət göstərən özəl sektorun nümayəndələrinin iştirakı ilə sentyabrın 27-də saat 10:30-da Bakıda Ümumdünya Turizm Gününə həsr olunmuş konfransın və müxtəlif təqdimatların keçirilməsi nəzərdə tutulub.
Azərbaycanda “Ümumdünya turizm günü” qeyd ediləcək

Azərbaycan, Bakı, 23 sentyabr /Trend/

Ölkəmizdə turizmin iqtisadiyyatın prioritet sahəsi kimi inkişafında nəzərəçarpacaq nailiyyətlər əldə etdiyini və 2013-cü il "Ümumdünya turizm günü"nün qeyd olunması münasibətilə aidiyyəti dövlət qurumlarının, rayon (şəhər) mədəniyyət və turizm şöbələrinin, həmçinin turizm sənayesində fəaliyyət göstərən özəl sektorun nümayəndələrinin iştirakı ilə sentyabrın 27-də saat 10:30-da Bakıda Ümumdünya Turizm Gününə həsr olunmuş konfransın və müxtəlif təqdimatların keçirilməsi nəzərdə tutulub.

Trend Mədəniyyət və Turizm Nazirliyinin rəsmi saytına istinadən məlumat verir ki, konfransın proqramına uyğun olaraq mədəniyyət və turizm naziri Əbülfəs Qarayevin rəsmi açılış nitqindən sonra nazirliyin Turizm şöbəsinin müdiri Aydın İsmiyev tərəfindən turizm sahəsində görülmüş işlərə dair arayış təqdim olunacaq.

Eyni zamanda, "Azərbaycan Respublikası Prezidentinin 10 illik fəaliyyəti zamanı turizmə göstərdiyi qayğı" mövzusuna həsr olunmuş "Azerbaijan review" jurnalının təqdimatı, "Azərbaycan Respublikasının Mədəniyyət və Turizm Nazirliyinin Turizm Şöbəsinin imkanlarının gücləndirilməsi" adlı Aİ Tvinninq layihəsinin "Nailiyyətlər və perspektivlər" adlı təqdimat keçiriləcək.

Bununla yanaşı, "Fəxri Turizm İşçisi" döş nişanı və "Fəxri Fərman" ilə təltiflər, həmçinin, Bakı Turizm İnformasiya Mərkəzi tərəfindən həyata keçirilən "IV Milli Turizm" layihəsi çərçivəsində müxtəlif nominasiyalar üzrə qaliblərə mükafat təqdim ediləcək.

2013-cü il "Ümumdünya turizm günü"nün qeyd olunması münasibətilə 27 sentyabr tarixində saat 10:00-dan Mədəniyyət və Turizm Nazirliyinin və "İçərişəhər" Dövlət Tarix Memarlıq Qoruğu idarəsinin tabeçiliyində olan turizm nümayişi obyektlərinə (muzeylərə, qoruqlara, komplekslərə və abidələrə) bir günlük pulsuz giriş (açıq qapı) elan olunacaq.

Məqalədə:
Xəbər lenti

Xəbər lenti