Azərbaycan, Bakı, 12 mart /Trend, müxbir Məftun Salmanov/
Çeçenistan yazıçısı Ruslan Zakriyev "Avatar" filminin (2009-cu il) rejissoru Ceyms Kemeronu məhkəməyə vermək niyyətindədir. Trend-in Rusiya mətbuatına istinadən verdiyi məlumata əsasən, yazıçı rejissoru plagiatlıqda ittiham edir.
R.Zakriyevin sözlərinə görə, film onun 1996-cı ildə yazdığı və 2002-ci ildə internetdə yaydığı "Gizli silah" romanı əsasında çəkilib: "Kemeron qazandığı 3 milyard dollardan bir milyard dolları bizə verməlidir".
C.Kemeron isə yazıçının məktublarına cavab olaraq yazıb: "Film üzərində 1994-cü ildən işləməyə başlamışam. Lakin texniki imkan olmadığından işi 10 il təxirə salmışam. Yazıçı məni plagiatlıqda ittiham edənlərin növbəsinə dayanmalıdır".