...

Rus Dram Teatrı Sankt-Peterburqa qastrol səfərinə yola düşüb (FOTO

Mədəniyyət Materials 10 Noyabr 2015 11:50 (UTC +04:00)
Səməd Vurğun adına Azərbaycan Dövlət Rus Dram Teatrının kollektivi Sankt-Peterburqa qastrol səfərinə yola düşüb.
Rus Dram Teatrı Sankt-Peterburqa qastrol səfərinə yola düşüb (FOTO

Trend-i buradan izləyin

Azərbaycan, Bakı, 10 noyabr /Trend/

Səməd Vurğun adına Azərbaycan Dövlət Rus Dram Teatrının kollektivi Sankt-Peterburqa qastrol səfərinə yola düşüb.

Teatrdan Trend-ə verilən məlumata görə, qastrol zamanı Vasilevskidəki Dövlət Dram Teatrının səhnəsində 2 tamaşa nümayiş etdiriləcək.

Noyabrın 11-də xalq artisti, teatrın baş rejissoru Aleksandr Şarovskinin quruluşu ilə Mixail Lermontovun "Maskarad" tamaşası oynanılacaq. Bu tamaşada rejissor həm də Arbenin rolunu ifa edir. Xatırladaq ki, tamaşanın premyerası 2013-cü il noyabrın 24-də olub. Tamaşa məşhur rus şairi M.Lermontovun 200 illik yubileyinə həsr olunub.

Noyabrın 12-də isə peterburqlular A.Şarovskinin quruluşunda məşhur fransız dramaturqu Jan Rasinin "Fedra" tamaşasını izləyəcəklər.

Qastrol səfəri noyabrın 13-də başa çatacaq. Hər iki tamaşa Mədəniyyət və Turizm Nazirliyinin sifarişi ilə hazırlanıb.

Məqalədə:
Xəbər lenti

Xəbər lenti