Azərbaycan, Bakı, 3 noyabr /Trend/
Noyabrın 1-də səhər saat 07:00-dan etibarən İctimai Televiziya (İTV) 200-dən çox əməkdaşı ilə Azərbaycanda keçirilən parlament seçkilərini işıqlandırmağa başladı.
Telekanal Mərkəzi Seçki Komissiyasının açılış təlimatından başlayaraq səslərin sayılması başa çatana qədər, saat 01:00-dək hər saat canlı bağlantılar və məntəqələrdən videoxəbərlərlə seçkilərin gedişini bütün televiziya tamaşaçıları üçün ətraflı və yüksək peşəkarlıqla izahlı olaraq çatdırdı.
İctimai Televiziyanın seçkiləri işıqlandıran bütün əməkdaşlarının əməyi sayəsində kanalın efiri respublika miqyasında 125 seçki dairəsinin ərazisində baş verənləri operativ olaraq tamaşaçılara təqdim etdi.
Əslində İTV yalnız seçki günü deyil, seçkilərdən əvvəl də - namizədlərin seçki kampaniyası başlayandan öz efirində "Xalq seçir" proqramı ilə əhalini seçkilər barədə maarifləndirmiş, proqrama dəvət etdiyi cəmiyyətin müxtəlif təbəqələrini təmsil edən şəxslər, siyasətçilər, hüquq müdafiəçiləri, politoloqlar, QHT rəhbərləri, jurnalistlər və ictimai fəal şəxslərin iştirakı ilə ölkədəki seçki mühitini aydınlaşdırmış və tamaşaçıda demokratik seçkilər haqqında aydın təsəvvür yaratmışdı.
İctimai Televiziya seçki günü operatv işlədiyinə görə hətta MSK üzvləri yerlərdəki məntəqələrdə baş verənləri bu kanalın efirindən izləyirdilər.
Məqalə müəllifi ilə əlaqə ünvanı news@trend.az
Bizi Twitter-dən izləyin @trend_az
Trend-in ən mühüm və maraqlı xəbərlərini "Telegram"da izləyin
