Bakı. Trend:
Türkiyə Xarici İşlər Nazirliyi (XİN) İraqın müvəqqəti işlər vəkilini Türkiyə Silahlı Qüvvələrinin Şimali İraqda başlatdığı “Pəncə-Kilid” əməliyyatı ilə bağlı İraq rəsmilərinin açıqlamaları ilə əlaqədar çağıraraq ona nota verib.
Trend-in məlumatına görə, bu barədə Türkiyə XİN mətbuat katibi Tancu Bilgiç bildirib.
"Türkiyə silahlı qüvvələrinin 18 aprel 2022-ci il tarixində İraqın şimalındakı terrorçu hədəflərə qarşı başlatdığı “Pəncə-Kilid” əməliyyatı ilə bağlı İraqın rəsmi orqanlarının açıqlamaları ilə əlaqədar İraqın müvəqqəti işlər vəkili nazirliyimizə çağırılaraq ona İraqdan gözləntilərimizi çatdırdıq və bu mövzuda fikirlərimizi əks etdirən notanı təqdim etdik", - deyə T.Bilgiç qeyd edib.