Bakı. Trend:
Kiberdələduzlar tərəfindən vətəndaşlara “Azərpoçt” MMC-nin adından bağlamanın qəbul edilməsi üçün ünvan qeyd etmədikləri barədə saxta mesajlar göndərilir. Vətəndaşdan mesajın tərkibində qeyd olunan saxta keçid vasitəsilə ünvanı yeniləmələri və bağlamanın düzgün ünvana çatdırılması üçün ödəniş etmələri tələb olunur.
Trend xəbər verir ki, bu barədə Elektron Təhlükəsizlik Xidməti məlumat yayıb.
Elektron Təhlükəsizlik Xidməti vətəndaşlara belə mesajlara
etimad etməməyi, bu kimi mesajlar qəbul etdikləri halda, ilk
növbədə, həmin qurumla əlaqə saxlamağı və yaxud qurumun rəsmi veb
saytına daxil olaraq məlumatı dəqiqləşdirməyi tövsiyə edir.
Nəzərinizə çatdırırıq ki, Azərpoçt MMC-nin rəsmi internet
informasiya ehtiyatı www.azerpost.az veb ünvanıdır.
