Bakı. Trend:
İsveçin audio axını və media xidmətləri şirkəti “Spotify” xərcləri azaltmaq üçün işçi qüvvəsinin təxminən 17%-i ilə yollarını ayıracağını açıqlayıb.
Trend-in məlumatına görə, “Spotify” yanvarda 600, iyunda isə 200 əməkdaşını işdən çıxarıb.
“Spotify”ın CEO-su Daniel Ek işdən çıxarmaların şirkətin üzləşdiyi çətinliklər səbəbindən edildiyini və zamanla kiçik işdən çıxarmalar yerinə indi hərəkətə keçməyi üstün tutduqlarını bildirib. İşdən çıxarıldıqdan sonra “Spotify” işçilərinin sayı 9000-dən təxminən 7500-ə qədər azalacaq.
Qeyd edək ki, yarandığı gündən bəri davamlı olaraq böyüyən şirkətin indi aylıq 574 milyon istifadəçisi var.