Azərbaycan, Şəki,21 iyul / Trend , müxbir S.Fətəliyev/ Daxili Qoşunların Zaqataladakı N saylı hərbi hissəsində bədbəxt hadisə baş verib.
Trend -un məlumatına görə, hərbi hissənin əsgəri Yəhya Zərbəliyev hərbi masının altında qalıb.
Ağır bədən xəsarəti alan əsgər Zaqatala rayon Mərkəzi Xəstəxanasına qəbul edilsə də, vəziyyəti ağır olduğundan, Bakıdakı hərbi hospitala gətirilib.
Zaqatala rayon mərkəzi xəstəxanasından bildirilib ki, əsgər boyun fəqərələrinin sınığı diaqnozu ilə xəstəxanaya qəbul edilib.
Zərbəliyev ötən ilin payızında Şirvan şəhər hərbi komissarlığından hərbi xidmətə çağırılıb.
Daxili Qoşunların mətbuat xidmətindən isə, bildirilib ki, Zərbəliyev hərbi hissədə sürücü işləyib. Qəza avtomobilini təmir edərkən, Zərbəliyevin öz ehtiyatsızlığı üzündən baş verib.
Müəlliflə əlaqə saxlamaq üçün elektron ünvan - [email protected]
