Azərbaycan, Bakı, 13 dekabr /Trend, müxbir K.Zərbalıyeva/
Göyçay rayonunda ağır yol qəzası baş verib.
DİN-in mətbuat xidmətinin bazar ertəsi yaydığı məlumata görə, dekabrın 12-də saat 11:00 radələrində Göyçay rayonunun Ləkçılpaq kəndi ərazisində kənd sakini Rahim İbrahimovun idarə etdiyi "VAZ-2101" markalı avtomaşınla Bəydövül kənd sakini Rüstəm Babayevin idarə etdiyi "T-28" markalı traktor toqquşub.
Nəticədə xəsarət almış İbrahimov və sərnişinləri, Ləkçılpaq kənd sakinləri Rahilə Mahmudova və Gündüz Mahmudov xəstəxanaya yerləşdirilib, vəziyyətləri orta-ağırdır.
Göyçay rayon Polis Şöbəsi tərəfindən araşdırma aparılır.