Azərbaycan, Bakı, 5 aprel /Trend, müxbir K.Zərbalıyeva/
Şabranda mağazadan oğurluq etmiş keçmiş məhkum tutulub.
Daxili İşlər Nazirliyinin mətbuat xidmətindən Trend-ə verilən məlumata görə, Şabran rayon polis şöbəsi əməkdaşlarının həyata keçirdikləri əməliyyat-axtarış tədbirləri nəticəsində Şabran rayon sakinləri, əvvəllər məhkum olunmuş Mehdi Şahbazov və Bəhram Həsənov saxlanılıblar.
Onlar aprelin 3-də Rasim Həmidova məxsus mağazadan 1200 manat dəyərində ərzaq məhsulları, spirtli içkilər və sənaye mallarını oğurlamaqda şübhəli bilinirlər.