Tibbi Kliniki Mərkəzin məlumatı əlavə olunub (ilk xəbər 10:26-da yayılıb)
Azərbaycan, Bakı, 29 iyun /Trend, müxbir K.Zərbalıyeva/
Bu gün səhər Bakıdakı kafelərin birində silahlı insident qeydə alınıb.
Nəsimi rayon Polis İdarəsinin 19-cu polis bölməsindən Trend-ə verilən məlumata görə, səhər saatlarında 1-ci mikrorayon, 20 Yanvar küçəsində yerləşən "Arzular" kafesində Ruslan Ələkbərov döş qəfəsindən güllələnib.
Yaralı ağır vəziyyətdə xəstəxanaya çatdırılıb.
Hadisənin Bakı şəhər sakini İlqar Əbdürrəhmanov tərəfindən törədildiyi məlub olub və onun tutulması üçün əməliyyat-axtarış tədbirləri həyata keçirilir.
Faktla bağlı araşdırma aparılır.
Tibbi Kliniki Mərkəzdən Trend-ə verilən məlumata görə, Ələkbərovun üzərində əməliyyat aparılıb və hazırda reanimasiya şöbəsinə yerləşdirilib.
Yaralının vəziyyətinin ağır olduğu bildirilir.