Azərbaycan, Bakı, 30 avqust /Trend, müxbir K.Zərbalıyeva/
Bakıda Türkiyə vətəndaşına məxsus avtomobilin dövlət qeydiyyat nişanları oğurlanıb.
Trend-in Daxili İşlər Nazirliyinin rəsmi saytına istinadən verdiyi məlumata görə, avqustun 22-də Türkiyə vətəndaşı Zefer Demirelə məxsus "Volkswagen-Jetta" markalı avtomaşının dövlət qeydiyyat nömrə nişanları oğurlanıb.
Binəqədi rayon Polis İdarəsinin 5-ci polis bölməsinin əməkdaşlarının həyata keçirdikləri əməliyyat-axtarış tədbirləri nəticəsində dövlət qeydiyyat nömrə nişanlarını oğurlamış Bakı şəhər sakini Ramin Bağırov tutulub.