Azərbaycan, Bakı, 6 sentyabr /Trend/
Xəzərdə batmış 30 yaşlı şəxsin axtarışları davam etdirilir.
Trend-in Fövqəladə Hallar Nazirliyinin rəsmi saytına istinadən verdiyi məlumata görə, 1982-ci il təvəllüdlü Samir Sadiq oğlu Alicanovun Bakı şəhəri, Səbail rayonu ərazisində dənizdə batması barədə məlumat daxil olub.
Dərhal Fövqəladə Hallar Nazirliyinin müvafiq xilasetmə qüvvələri hadisə yerinə cəlb olunub və axtarışlara başlayıb.
Sentyabrın 5-də aparılan axtarışlar nəticə verməyib.
Alicanovun axtarışları üzrə əməliyyat davam etdirilir.