Azərbaycan, Bakı, 22 aprel /Trend/
Rusiyanın Belqorod şəhərində silahlı şəxsin açdığı atəş nəticəsində 6 nəfər ölüb, bir nəfər yaralanıb. Trend RİA Novosti-yə istinadən məlumat verir ki, bu barədə DİN Regional İdarəsinin mətbuat xidmətinin nümayəndəsi bildirib.
Məlumata görə, günorta radələrində bir kişi "Ovçu" mağazasının qarşısında qara rəngli "BMW" markalı avtomobildən enərək küçədəki insanlara, daha sonra mağazadakılara atəş açıb.
"Mağazaya tuşlanan atəş nəticəsində 4 nəfər, küçədə isə iki nəfər ölüb. Daha bir yaralı xəstəxanaya çatdırılıb", - mənbə deyib.