Azərbaycan, Bakı, 12 may /Trend, müxbir İ.İzzət/
Cəlilabad rayon sakinindən odlu silah və vasitələri, həmçinin çətənə kolları aşkar edilərək götürülüb.
Daxili İşlər Nazirliyinin (DİN) mətbuat xidmətindən Trend-ə verilən məlumata görə, Cəlilabad Rayon Polis Şöbəsi əməkdaşlarının keçirdikləri əməliyyat-axtarış tədbirləri nəticəsində Günəşli kənd sakini Kəmaləddin Quliyevin evinə baxış zamanı nömrəsi silinmiş "Revolver" markalı tapança, ov tüfəngi, 2 ədəd bıçaq, 32 ədəd patron, həyətyanı sahəsindən isə kultivasiya yolu ilə yetişdirilmiş 43 ədəd çətənə kolu aşkar edilərək götürülüb.
Faktla bağlı cinayət işi açılıb. Araşdırma aparılır.