Azərbaycan, Bakı, 12 iyul /Trend, müxbir İlkin İzzət/
Naxçıvan sakini Bakıda piyadanı vuraraq öldürüb.
Bakı şəhər Baş Polis İdarəsinin mətbuat xidmətindən Trend-ə verilən məlumata görə, iyulun 12-də Xətai rayonu Məhəmməd Hadi küçəsində Naxçıvan şəhər sakini, 1985-ci il təvəllüdlü Xəqani Abbasov idarə etdiyi "Mercedes" markalı avtomobillə Bakı şəhər sakini, 1972-ci il təvəllüdlü İmran Şıxmirovu vurub.
İ.Şıxmirov aldığı xəsarətlər nəticədə, 3 saylı xəstəxanada ölüb.
Faktla bağlı araşdırma aparılır.