Azərbaycan, Bakı, 7 oktyabr /Trend/
Polşada kömür mədənlərinin birində metan qazının partlaması nəticəsində təxminən 20 nəfər hospitala yerləşdirilib. Trend-in RİA Novosti agentliyinə istinadən verdiyi məlumata görə, bu barədə Polşanın TVN24 telekanalı xəbər yayıb.
RMF FM radiosunun məlumatına görə, partlayış "Mıslovitse-Vesola" mədənindən yerin 660 metr dərinliyində baş verib.
Son məlumata görə, partlayış zamanı mədəndə 37 nəfər olub. Xilasedicilər artıq 35 nəfəri xilas ediblər.
20-yə yaxın şaxtaçı ən yaxın hospitala gətirilib, onlardan 9-nun vəziyyəti ağırdır. Mədəndə xilasetmə işləri davam edir.