Azərbaycan, Bakı, 3 dekabr /Trend, müxbir İlkin İzzət/
Bakıda 9-cu sinif şagirdinə qarşı soyğunçuluq etmiş 20 yaşlı gənc tutulub.
Bakı şəhər Baş Polis İdarəsinin mətbuat xidmətindən Trend-ə verilən məlumata görə, Binəqədi Rayon Polis İdarəsi 6-cı Polis Bölməsi əməkdaşlarının həyata keçirdikləri əməliyyat-axtarış tədbirləri nəticəsində Abşeron rayon sakini, 1994-cü il təvəllüdlü Rüzgar Cəfərov tutulub.
Rüzgar Cəfərov noyabrın 20-də saat 11:30 radələrində, Binəqədi şossesi 3-də yerləşən orta məktəbin ərazisində 9-cu sinif şagirdinə qarşı soyğunçuluqda şübhəli bilinir.