Bakı. Elmir Murad - Trend:
Xaçmaz rayonunda ölüm hadisəsi baş verib.
Daxili İşlər Nazirliyindən Trend-ə daxil olan məlumata görə, rayonun Kiçik Baraxun kənd sakini Elçin Arzumanov kəndin ərazisindəki əkin sahəsində tüfəngdən açdığı atəşlə özünə xəsarət yetirib. E.Arzumanov hadisə yerində ölüb.
Xaçmaz Rayon Polis Şöbəsi əməkdaşları tərəfindən hadisə yerindən müvafiq sənədləri olmayan "TOZ-16" markalı ov tüfəngi götürülüb.
Faktla bağlı araşdırmalar aparılır.