Bakı. Trend:
Gecə saatlarında Bakıda yanğın faktı qeydə alınıb. Fövqəladə Hallar Nazirliyindən Trend-ə verilən məlumata görə, paytaxtın Suraxanı rayonunda vətəndaşa məxsus ümumi sahəsi 120 m2 olan birmərtəbəli 4 otaqlı mansard tipli evin yanar konstruksiyaları yanıb. Yaxınlıqdakı qonşu evlər yanğından mühafizə olunub.
Yanğın saat 01:26-da yanğınsöndürənlər tərəfindən söndürülüb.