Bakı. Trend:
Kür çayının Şəmkir rayonunun Kür qəsəbəsi ərazisindən keçən hissəsində batmış 1999-cu il təvəllüdlü Cabbarov Turan Elşən oğlunun axtarışları başa çatıb.
Trend-in Fövqəladə Hallar Nazirliyinin saytına istinadən məlumatına görə, T.Cabbarovun meyiti Kiçikhəcmli Gəmilərə Nəzarət və Sularda Xilasetmə Dövlət Xidmətinin dalğıc-axtarış qrupu tərəfindən tapılaraq sudan çıxarılıb və aidiyyəti üzrə təhvil verilib.
XXX
19:15
Kürdə batan şəxsin axtarışları aparılır.
Trend-in Fövqəladə Hallar Nazirliyinin saytına istinadən məlumatına görə, Böhran Vəziyyətlərində İdarəetmə Mərkəzinə Kür çayının Şəmkir rayonunun Kür qəsəbəsi ərazisindən keçən hissəsində 1 nəfərin batması barədə məlumat daxil olub.
Nazirliyin Kiçikhəcmli Gəmilərə Nəzarət və Sularda Xilasetmə Dövlət Xidmətinin dalğıc-axtarış qrupu axtarışlara cəlb olunub.