Ağdam. Trend:
Ağdamda minaya düşən şəxslərin kimliyi məlum olub.
Trend-in Qarabağ bürosunun məlumatına görə, onlar Hüseynov Akif Muxtar oğlu, Hüseynov Razi Akif oğlu, Hüseynov Bayram Akif oğlu, Hüseynov Anar Akif oğlu, Hüseynov Hüseyn Razi oğludur.
Qeyd edilir ki, minaya düşənlərdən Hüseynov Hüseyn Razi oğlu Hüseynov Akifin nəvəsidir və o, heç bir xəsarət almayıb. Hüseynov Razi Akif oğlu isə artıq dünyasını dəyişib.
Həmçinin, Laçın rayon sakini Abdullayev Bəhruz Nadir oğlu da onlara köməyə gedərkən minaya düşüb.
Məlumata görə, onlardan biri yüngül xəsarət aldığı üçün ilkin müayinədən sonra evə buraxılıb, ikisi Bərdə rayon Mərkəzi Xəstəxanasına çatdırılıb.
Xatırladaq ki, Ağdamda 6 nəfər minaya düşüb. Onlardan 5-i bir ailənin üzvüdür.