...

Ağcabədidə həyat yoldaşını öldürməkdə şübhəli bilinən şəxs həbs edildi

Hadisə Materials 17 Yanvar 2023 17:51 (UTC +04:00)
Ağcabədidə həyat yoldaşını öldürməkdə şübhəli bilinən şəxs həbs edildi
Samir Əli
Samir Əli
Bütün xəbərlər

Bakı. Trend:

Ağcabədi rayonu ərazisində 1955-ci il təvəllüdlü Dəstəgül Mehtiyevanın qəsdən öldürülməsi faktına görə zərərçəkmişin əri 1953-cü il təvəllüdlü Əliyar Mehdiyev Cinayət Məcəlləsinin 120.1-ci (qəsdən adam öldürmə) maddəsilə təqsirləndirilən şəxs qismində cəlb edilərək barəsində məhkəmənin qərarı ilə həbs qətimkan tədbiri seçilib.

Bu barədə Baş Prokurorluğun Mətbuat xidmətinədən Trend-in sorğusuna cavab olaraq bildirilib

Hazırda cinayət işi üzrə Ağcabədi rayon prokurorluğunda ibtidai istintaq davam etdirilir.

Xatırladaq ki, yanvarın 15-də saat 17 radələrində Ağcabədi rayonunda 1956-cı il təvəllüdlü Güldəstə Mehdiyevanın kəsici alətlə öldürülməsi barədə polisə məlumat daxil olub.

DİN-in mətbuat xidmətindən Trend-ə bildirilib ki, araşdırmalarla cinayət əməlini onun həyat yoldaşı 1953-cü il təvəllüdlü Əliyar Mehdiyevin törətməsi ilə bağlı əsaslı şübhələr müəyyən olunub.

Polis əməkdaşları tərəfindən Ə.Mehdiyev saxlanıldı.

Məqalədə:
Xəbər lenti

Xəbər lenti