Ağcabədi. Trend:
Həbsxanadan yeni çıxan Ağcabədi sakini 4 otaqlı evini yandırıb.
Trend-in yerli müxbirinin xəbərinə görə, yanğın hadisəsi Ağcabədi rayon Nəsimi küçəsində baş verib.
Hadisə yerinə FHN-nin yanğınsöndürən əməkdaşları gələrək yanğını söndürüb, yaxınlıqda olan tikililərə keçməsinin qarşısını alıblar.
Araşdırma zamanı məlum olub ki, baş vermiş yanğını ev sahibi 1976-cı il təvəllüdlü Məmmədov Ziyəddin Eldar oğlu törədib. Yanğın zamanı ümumi sahəsi 108 kvadratmetr olan 4 otaqlı evin 2 otağı - 48 kvadratmetri və dam örtüyü yanıb.
Faktla bağlı araşdırma aparılır