Ağstafada yanğın zamanı 9 nəfər xəsarət alıb
Azərbaycan, Bakı/ Trend , müxbir K.Zərbalıyeva/ Bu gün saat 11.35 radələrində Ağstafa rayonunun mərkəzində maye qaz doldurma məntəqəsində yanğın olub. Ağstafa rayon polis şöbəsindən Trend ə bildirilib ki, yanğın zamanı 9 nəfər yanıq xəsarəti alıb və rayonun mərkəzi xəstəxanasına yerləşdiriliblər. Xəsarət alanlardan 4-ü qadındır. Yananlardan iki qadının vəziyyəti ağırdır.
Məlumata görə, hadisə qaz balonlarını maye qazla doldurarkən baş verib. İlkin versiyalara görə, yanğın siqaretdən və maye qaz doldurma məntəqəsindən keçən elektrik xəttindəki qısaqapanmadan baş verib.
Hadisə zamanı obyektin sahibi, Ağstafanın Zəlimxan kənd sakini Rəhim Kərimov da yanıq xəsarəti alıb və xəstəxanaya yerləşdirilib. Obyekt sahibinə məxsus VAZ 2107 markalı avtomobil də yanıb.
Rayon prokurorluğunda Cinayət Məcəlləsinin 223.1-ci (partlayış təhlükəli obyektlərdə təhlükəsizlik qaydalarını pozma) maddəsi ilə cinayərt işi başlanılıb.
